DXX Samarqand viloyati boshqarmasi viloyat IIB bilan hamkorlikda 3-noyabr kuni o‘tkazilgan tezkor tadbirda terroristik tashkilotlar tarafdorlarining Suriyaga chiqib ketishining oldi olindi.
O‘zAning ma’lum qilishicha, tadbir chog‘ida Samarqand shahrida yashovchi D.Ya. va F.M. 8 nafar mahalliy fuqaro bilan birgalikda ijtimoiy tarmoqlarda virtual jamoat tuzib, “jihod”ga chorlovchi materiallarni muntazam ravishda tarqatib, muhokama qilib kelgani aniqlangan. Kelgusida mazkur guruhning 2 nafar a’zosi Suriyaga “jihod” qilish maqsadida chiqib ketishni rejalashtirgan.
Shuningdek, “virtual jamoat” a’zolarining noqonuniy faoliyatini fosh etuvchi ashyoviy dalillar protsessual tartibda rasmiylashtirib olib qo‘yilgan.
Hozirda mazkur shaxslarga nisbatan tergov harakatlari olib borilmoqda.
Eslatib o‘tamiz, 2021-yilning iyunida Suriya va Yaqin Sharqdagi terroristik tashkilotlar jangarilari ta’siriga tushib, ular safiga borib qo‘shilishni rejalashtirgan Samarqand shahridagi 14 nafar shaxsdan iborat guruh ushlangandi.
Izoh (0)