Netflix striming servisi amerikalik qo‘shiqchi Britni Spirs haqidagi hujjatli filmning birinchi treyleri bilan bo‘lishdi. Kartina “Briney vs Spears” (“Britni Spirsga qarshi”) nomini olgan, deb xabar beradi Esquire.
Loyiha qo‘shiqchining o‘z otasi Jeymining vasiyligiga qarshi kurashishga bag‘ishlangan. Treylerda, shuningdek, qo‘shiqning iyun oyidagi suddagi nutqining audiosini ham eshitish mumkin. O‘shanda u birinchi omma oldida otasi uni ishlashga, litiy ichishga majbur qilayotgani va homilador bo‘lishiga ruxsat bermayotgani sabab undan vasiylik huquqini olib qo‘yishni so‘ragan.
Hujjatli filmga “Oltin narxi: amerikalik gimnastikachining mojarosi” (gimnastika bo‘yicha AQSh terma jamoasining shifokori Larri Nasserning qilmishlari haqida) va “Seni sevaman, endi o‘l” (ijtimoiy tarmoqlarning o‘smirlar ruhiyatiga ta’siri haqida) kabi kartinalari bilan tanilgan Erin Li Karr rejissorlik qiladi.
Film premyerasi 28-sentabr sanasida — Jeymi Spirsni vasiylikdan chetlatish bo‘yicha bo‘lib o‘tadigan navbatdagi sud eshituvidan bir kun oldinga rejalashtirilgan.
Eslatib o‘tamiz, Britni Spirs va uning otasi o‘rtasidagi sud jarayonlari bir necha yildan buyon davom etib keladi. Qo‘shiqchi 2008-yil ruhiy kasalxonaga tushganidan buyon otasining vasiyligidan qutulishga urinadi. Ayni vaqtda Jeymi qizining shaxsiy munosabatlaridan tortib moliyaviy ahvoligacha bo‘lgan hayotining barcha jabhalarini nazorat qiladi.
Izoh (0)