Xalq deputatlari Bo‘ston tumani kengashining navbatdan tashqari sessiyasida tashkiliy masala ko‘rib chiqildi. Unda Bo‘ston tumani hokimi lavozimiga tadbirkor ayol — Qo‘rg‘ontepa tumani “El rizqi non” mas’uliyati cheklangan jamiyati rahbari Sanobarxon Nosirova nomzodi tavsiya qilingan. Bu haqda “Daryo” muxbiri xabar berdi.
Sanobarxon Nosirova 1970-yil Qo‘rg‘ontepa tumanida tug‘ilgan bo‘lib, 1992-yilda Andijon paxtachilik institutini, 2005-yilda esa Andijon muhandislik va iqtisodiyot institutini tamomlagan. Mehnat faoliyatini 1992-yili Qo‘rg‘ontepa tumani Savoy qishloq xo‘jalik texnikumi o‘qituvchiligidan boshlagan.
1995—2008-yillarda “G‘allabank”ning Qo‘rg‘ontepa tumani filialida kassir, bosh hisobchi, boshqaruvchi vazifalarida ishlagan. 2008—2012-yillarda Qo‘rg‘ontepa tumani “Buyuk turon invest” kredit uyushmasining ijrochi direktori lavozimida faoliyat yuritgan.
Tayinlovga qadar Nosirova Qo‘rg‘ontepa tumani “El rizqi non” mas’uliyati cheklangan jamiyati rahbari vazifasida ishlab kelayotgan edi.
Eslatib o‘tamiz, tumanning sobiq hokimi Sadbarxon Mamitova 2021-yil 31-iyul kuni og‘ir xastalikdan vafot etgandi.
Izoh (0)