Hindistonda Gadjesh Naik ismli 13 yoshli maktab o‘quvchisi kriptovalyuta investorlari uchun bir nechta markazlashtirilmagan dasturlarni yaratdi, deb xabar beradi “Korrespondent.net”.
“O‘tgan yildan buyon, pandemiya sabab bir nechta mashg‘ulotlar to‘xtatilgani sabab sertifikat beruvchi onlayn-kurslardan o‘tishga qaror qildim. Xususan, Buffalo universiteti, Nyu-York davlat universiteti kurslaridan”, — deydi o‘quvchi.
Shunday qilib u kriptovalyuta va blokcheynni o‘rganishni boshlagan, shundan keyin yigit hindistonlik o‘quvchilarning blokcheyn va kriptovalyuta borasidagi bilimlarini oshirish maqsadida onlayn-kontent yaratishga kirishgan.
Gadjesh Naik yaratgan asosiy mobil dasturlar — PolyGaj va StableGaj bo‘lib, ular Polygon network tarmog‘ida ishlab chiqilgan.
Eslatib o‘tamiz, 2021-yilning may oyida qozog‘istonlik maynerlar soliqlar sabab O‘zbekistonga ko‘chib o‘tishi mumkinligi to‘g‘risida xabar berilgandi. Bunga Qozog‘istonda joylashgan mayning fermalari va data-markazlari qo‘shimcha soliqqa tortilayotgani sabab bo‘lgan.Mavzuga doir: “Blokcheyn yordamida oila qurdik”: AQShda juftlik to‘yda nikoh uzuklari o‘rniga NFT-tokenlar bilan o‘zaro almashdi
