Amerika Kubogi musobaqasining chorak finalidan o‘rin olgan ikki o‘yin 4-iyul tongida o‘tkazildi.
Argentina terma jamoasi Ekvadorga qarshi bahs olib bordi va yirik hisobdagi g‘alabani qo‘lga kiritdi. Birinchi bo‘lim yakunlanishi arafasida Rodrigo de Paul hisobni ochgan bo‘lsa, uchrashuv so‘ngida Lautaro Martines va Lionel Messi hisobni yirik ko‘rinishga olib keldi.
Parallel o‘yin Urugvay va Kolumbiya terma jamoalari o‘rtasida kechdi. Asosiy vaqt va qo‘shimcha bo‘limlarda hisob ochilmagach, penaltilar seriyasiga murojaat qilindi. Unda omad Kolumbiya terma jamoasiga kulib boqdi.
Shu tariqa Argentina va Kolumbiya terma jamoalari yarim finalda o‘zaro to‘qnash keladigan bo‘ldi.
Amerika Kubogi—2021
1/4 final bahslari
4-iyul, yakshanba
Argentina — Ekvador 3:0
Gollar: 1:0 – 40 de Paul, 2:0 – 84 Martines, 3:0 – 90+3 Messi.Argentina: Martines, Molina, Petsselya, Otamendi, Akunya, de Paul, Paredes (Rodriges, 71), Lo Chelso (Di Mariya, 71), Messi, Martines (Aguero, 90), Gonsales (Talyafiko, 83).
Ekvador: Galindes, Presiado (Kampana, 83), Arboleda, Inkapie, Estupinyan, Franko (Kaysedo, 70), Grueso (Estrada, 46), Mendes, Mena, Valensiya, Palasios (Plata, 46).
Ogohlantirishlar: Presiado (20), Franko (31), Estupinyan (44), Otamendi (45), Gonsales (66).
Chetlatish: Inkapie (90+2).
Urugvay — Kolumbiya 0:0
Penaltilar seriyasi — 2:4Urugvay: Muslera, Vinya, Godin, Ximenes, Vesino, Nandes, Valverde (Kaseres, 80), Bentankur, de Arraskaeta (Torres, 68), Suares, Kavani.
Kolumbiya: Ospina, Tesilo, Mina, Sanches, Munos, Barrios, Kuelyar, Dias, Borre (Borxa, 87), Sapata, Muriel (Chara, 67).
Ogohlantirish: Godin (35).