Marsdagi Xitoy marsoxodi o‘z ish jarayoni haqida 4 ta video yubordi. Videolardan birida roverning tovushini ham eshitish mumkin (video)

Xitoy Milliy kosmik boshqarmasi (CNSA) Marsdagi “Tyanven-1” missiyasining ish jarayoni haqida to‘rtta video e’lon qildi, deb yozadi Meduza.

15-may kuni suratga olingan birinchi videoda kosmik apparatning Mars shimoliy yarim sharidagi Utopiya tekisligiga qo‘nishi, xususan, qo‘nish modulining parashyuti ochilgan payt tasvirlangan.

https://twitter.com/CNSAWatcher/status/1409002509897814018

Ikkinchi videoda “Chjujun” marsoxodining qanday qilib qo‘nish platformasidan yerga o‘rmalayotgani aks etgan, shuningdek, videoda rover harakatining tovushini eshitish mumkin.

https://twitter.com/CNSAWatcher/status/1409003488739303425

Qolgan ikkita video roverning sayyora yuzasiga o‘rnatgan simsiz kamerasi bilan olingan. Ularda “Chjujun” kameradan qanday uzoqlashayotgani va selfi tushirish uchun qo‘nish platformasi yonida harakatlanayotgani tasvirlangan.

https://twitter.com/CNSAWatcher/status/1409004403311448065

https://twitter.com/CNSAWatcher/status/1409004805532565505

27-iyun holatiga ko‘ra “Chjujun” sayyora yuzasida 42 mars kuni davomida ish olib bordi (Yer vaqti bilan 24 soat 37 minutga teng) va shu vaqt ichida 236 metr masofani bosib o‘tdi.

Eslatib o‘tamiz, Xitoyning “Chjujun” marsoxodi “Tyanven-1” kosmik apparati bilan 15-may kuni ertalab Marsga muvaffaqiyatli qo‘ngan edi. Bu Xitoyning boshqa bir sayyoraga qo‘ngan birinchi marsoxodi.“Tyanven-1” 2020-yil 23-iyulda Xitoy janubidagi Venchan kosmodromidan uchirilgan edi. Kosmik apparat qariyb yetti oylik parvozdan so‘ng fevral oyida Mars orbitasiga kirgan va ikki oydan ko‘proq vaqt davomida potensial qo‘nish joyini qidirgan.Rover faoliyatining rejalashtirilgan umri — Mars kuni bo‘yicha 90 kun, bu Yer kunlaridan 2,7 foiz ko‘proq. U to‘rtta quyosh batareyasi bilan ishlaydi. Xitoy roverining harakat tezligi soatiga 200 metrga yetadi.