O‘zbekiston Prezidentining “Matbuot va ommaviy axborot vositalari xodimlari kuni munosabati bilan soha xodimlaridan bir guruhini mukofotlash to‘g‘risida”gi farmoni bilan “Daryo” internet nashri muxbiri Mirolim Isajonov “Kelajak bunyodkori” medali bilan mukofotlandi.
Mirolim Isajonov 1995-yilda Andijon viloyatining Shahrixon tumanida tug‘ilgan. Mehnat faoliyatini 2015-yilda “Shahrixon” gazetasida adabiy xodim sifatida boshlagan. 2019-yilning dekabridan buyon “Daryo” internet nashri muxbiri lavozimida ishlab kelmoqda.
Eslatib o‘tamiz, 2020-yilning avgustida O‘zbekiston mustaqilligining 29 yilligi munosabati bilan “Daryo” muharriri Dilshod Sharipov “Shuhrat” medali, shuningdek, Prezidentning 8-martdagi farmoniga asosan “Daryo” fotomuxbiri Madina Nurman ham “Shuhrat” medali bilan mukofotlangandi.
Izoh (0)