Barcha davrlarning eng tezkor seriyali avtomobili deya e’tirof etilayotgan Tesla Model S Plaid’ning ilk xaridorlari ijtimoiy tarmoqlarga mashinaning noodatiy interyeriga oid videoroliklarni joylashtirishni boshladi, deb xabar beradi IXBT.
Model S Plaid’ning o‘ziga xos jihatlaridan biri bu uning “Formula-1” poyga mashinalariga o‘rnatiladigan shturval ko‘rinishidagi yangi ruli hisoblanadi. Yangi rul barchaga ham ma’qul kelmagan. Ta’kidlanishicha, bu kabi rul shahar sharoitida boshqarishda va bir necha bor burish talab etiladigan avtoturargohlarda juda noqulaylik tug‘dirmoqda.
https://twitter.com/SnazzyQ/status/1403981275090669571
E’lon qilingan videolarning birida rulni burayotgan haydovchi tasodifan signalga javob beradigan tugmani bosib yuborgan. Bundan tashqari, avtomobilning burilish va yoritish tizimlarini boshqaruvchi rul osti richaglari ham yo‘q. burilish chiroqlariga ham ruldagi tugmalar javob beradi. Bunga ko‘nikish esa oson emas.
Avvalroq Tesla kompaniyasi o‘zining eng qimmat mashinasi Model S Plaid Plus’ni ishlab chiqarishni to‘xtatgani to‘g‘risida xabar berilgandi.
