Xiaomi’ning Twitter ijtimoiy tarmog‘idagi rasmiy sahifasida yangi Xiaomi Mi 11i smartfonining turli kameralari yordamida olingan qiziqarli suratlar e’lon qilindi, deb xabar beradi IXBT.
Suratlar jamlanmasi qurilmaning turli kameralari tomonidan olingan bo‘lib, smartfon yetarli darajada yoritilmagan joylarda ham ajoyib suratlarni taqdim eta olishiga isbot bo‘la oladi.
Xiaomi Mi 11i modeli Redmi K40 Pro+’ning Yevropa bozori uchun nomi o‘zgartirilgan versiyasi hisoblanadi. Smartfonga bir kristalli Qualcomm Snapdragon 888 protsessori, 120 gertsi yangilanish chastotasiga ega 6,67 dyuymli Samsung AMOLED E4 displeyi o‘rnatilgan.
Asosiy kameralari 108, 8 va 5 megapikselli datchiklar bilan jihozlangan. Akkumulyator sig‘imi 4520 mA/soat bo‘lib, 33 vattli tezkor quvvatlanish funksiyasiga ega. Smartfon Android 11 boshqaruvidagi MIUI 12.5 operatsion tizimida ishlaydi va Wi-Fi 6E, NFC, stereofonik ovoz kuchaytirgich bilan jihozlangan va IP53 himoyasiga ega.
Mavzuga doir: Xiaomi smartfonlarni “xuddi fastfud” kabi sotmoqda. Xitoyda Mi Home do‘konlari soni 5000 taga yetdi
