Sochi shahrining Esto-sadok posyolkasida 20 million rubl (257 ming dollar) turadigan Lamborghini Urus krossoveri avariyaga uchradi. Jabrlanganlar yo‘q, biroq qimmatbaho krossoverga jiddiy shikast yetgan, deb yozadi Motor.
Yo‘l harakati xavfsizlik xizmati ma’lumotlariga ko‘ra, YTH yomg‘irli ob-havo sabab yuzaga kelgan: haydovchi xavfsiz harakatlanish tezligini eplay olmagan va sirpanchiq yo‘lda boshqaruvni yo‘qotgan. Oqibatda krossover yo‘l chetidagi to‘siqqa old o‘ng g‘ildiragi bilan urilgan. Bundan tashqari, o‘ng fara va bamperga singan, kapot va qanot pachaq bo‘lgan.
Telegram’dagi Mash kanalining yozishicha, avariyaga uchragan Urus qimmat avtomobillarni ijaraga berish bilan shug‘ullanuvchi DayDream kompaniyasining egasi Miroslava Tixanovaga tegishli. Ko‘ngilsiz hodisa vaqtida Lamborghini rulida Tixanovaning o‘zi bo‘lganmi yoki kompaniya mijozi bunga oydinlik kiritilmagan.
Ma’lum qilinishicha, avariyaga uchragan Lamborghini Urus — Sochidagi kompaniya avtoparkidan o‘rin olgan eng qimmat avtomobil emas. Masalan, ular Rolls-Royce Dawn, Lamborghini Huracan Evo va McLaren 650S’ni ham ijaraga beradi.
Urus nomi ostidagi birinchi Lamborghini 2017-yilning dekabrida taqdim etilgan. Mashinaga 650 ot kuchiga ega to‘rt litrli V8 biturbomotori o‘rnatilgan bo‘lib, u soatiga 100 kilometr tezlikka 3,6 soniyada erishadi. Maksimal tezligi — 305 kilometr/soat.
Avvalroq kanadalik erkak ijaraga olingan Lamborghini Urus’ni qaytarmaslikka qaror qilgani to‘g‘risida xabar berilgandi.
Izoh (0)