Shohrux Shorahmetov Monopoliyaga qarshi kurashish qo‘mitasi raisi lavozimiga tayinlandi. Bu haqda Prezident tegishli qaroriga tayanib, “Gazeta.uz” xabar berdi.
Tayinlovga qadar Shorahmetov sog‘liqni saqlash vazirining o‘rinbosari lavozimida faoliyat yuritgan.
Shohrux Shorahmetov 2019-yilning may oyidan 2020-yilning iyuliga qadar moliya vaziri o‘rinbosari lavozimida ham ishlagan.
Ma’lumot uchun, Shohrux Shorahmetov 1977-yilda tug‘ilgan. 1998-yilda Toshkent davlat iqtisodiyot universitetini, 1999-yilda esa Buyuk Britaniyaning Ekseter universitetini iqtisodchi, moliya va investitsiyalar mutaxassisligi bo‘yicha tamomlagan.
Eslatib o‘tamiz, Monopoliyaga qarshi kurashish qo‘mitasi raisi Najmiddinxo‘ja Sharipov Toshkent viloyati hokimining o‘rinbosari etib tayinlangandi.
Izoh (0)