Kanadaning HotCars nashri dunyodagi eng arzon mashinalar ro‘yxatini tuzib chiqdi. Undan sakkizta yengil mashina o‘rin olgan bo‘lib, ular ixchamligi, oddiy jihozlanganligi, motorining kuchsizligi va modelni bozorga chiqarish uchun kerak bo‘ladigan bazaviy xavfsizlik darajasiga ega ekanligi bilan ajralib turadi, deb yozadi Motor. Ro‘yxatdan General Motors’ning Spark modeli ham o‘rin olgan.
Nashr tomonidan tanlangan modellar orasida Xitoy va Hindistondan tashqari, Yevropa va AQShda ishlab chiqarilgan mashinalar ham o‘rin olgan. Ro‘yxatdagi eng qimmat avtomobil Mitsubishi Miragi hisoblanadi — 14 990 dollar. Ro‘yxatni tuzganlarning ta’kidlashicha, yapon xetchbeki oddiy haydovchilar uchun, avtomobilni A punktidan B punktiga yetib olishda foydalaniladigan transport sifatida qaraydiganlar uchun mo‘ljallangan.
Yettinchi o‘rin ikki o‘rindiqli Smart ForTwo’ga nasib etgan — Yevropadagi eng arzon avtomobil (14 650 dollar). Fransiyada zavodda ishlab chiqarilib, dunyoning 46 mamlakatida sotilayotgan ushbu orqa uchatmali kichkina xetchbekdan Yevropaning tor ko‘chalarida foydalanish qulay.
Ro‘yxatning oltinchi pog‘onasi 2002-yilda General Motors sotib olguniga qadar Daewoo markasi ostida ishlab chiqarilgan 14 400 dollarli Chevrolet Spark’ka nasib etdi. Spark AQSh bozoridagi eng arzon yangi mashina eganligiga qaramay, u Hindistondagi eng arzon mashinadan to‘rt barobar qimmat.
Ro‘yxatdagi navbatdagi o‘rin Ruminiyaning Dacia Sandero modeliga nasib etgan — Buyuk Britaniyadagi eng hamyonbop avtomobilning qiymati 8300 dollarni tashkil etadi. Avtomobil 2007-yilda konveyerdan chiqqan va hozirga qadar uch avlod o‘zgargan.
To‘rtinchi pog‘onada Rossiyaning Lada Granta’si joylashdi — 6,7 ming dollar. Kanadaliklarning ta’kidlashicha, Lada sifatining yomonligi va xavfsizlik darajasining pastligi bilan tanilgan.
Uchinchi pog‘ondan reytingdagi yagona elektrokar — Hong Guang Mini EV o‘rin olgan bo‘lib, u Xitoydagi “yashil” avtomobillar orasida mashhurlik bo‘yicha Tesla Model 3’dan keyin turadi. Kichkina avtomobil 2020-yilning yozida taqdim etilgan, 2021-yilning yanvarida esa uning 160 ming nusxasi sotilgan. Mashina narxi 4400 dollar.
Maruti Suzuki Alto 4100 dollarlik ko‘rsatkich bilan ikkinchi o‘rinni egallagan. To‘rt eshikli xetchbek Hindistondagi eng arzon va eng ko‘p sotiladigan modellardan biri hisoblanadi.
Ro‘yxatdagi eng arzon model 2015-yilda Hindiston bozori uchun maxsus yaratilgan Renault Kwid bo‘ldi. Uni 3900 dollarga xarid qilish mumkin.
Mavzuga doir: AQShda haydovchilarning ziyrakligi ulkan paxmoq ayiq yordamida tekshirildi
