Foto: Martning oxirida qorga burkangan Qashqadaryo tumanlari

Qashqadaryo viloyatining Shahrisabz, Kitob va Qamashi tumanlarida 29-martga o‘tar kechasi qor yog‘di. Bu haqda ijtimoiy tarmoqlarda fotoxabarlar tarqaldi.

Shahrisabz tumani hokimligi axborot xizmati rahbari Bahodir Halimovning “Daryo”ga ma’lum qilishicha, tumanning Tamsho‘sh, Ko‘l va G‘elon hududlarida 10—15 santimetr qalinlikda qor yoqqan.

Kitob tumani hokimligi axborot xizmati xabariga ko‘ra, “Kuxsor” mahallasidagi Devonbola qishlog‘i ham oppoq qor bilan qoplangan.

Shuningdek, Qamashi tumanida (jumladan, Langar ota qishlog‘ida) ham qor yoqqan. Quyida mart oyi oxirida qorga burkangan Qamashi tumani manzaralari bilan tanishish mumkin.

Xabar to‘ldirilmoqda