Amerikaning Texas shtatida istiqomat qiluvchi Erik Dion Uorren ismli shaxs yangi BMW xarid qilishni shu qadar xohlagani uchun bankni o‘marishga qaror qildi. O‘ylagan rejasini amalga oshirish maqsadida 50 yoshli erkak o‘ziga yoqqan modelni test-drayv uchun olgan va unda bankka qarab yo‘l olgan, deb xabar beradi Motor.
O‘g‘irlik sodir etilishidan avval Erik Dion Uorren BMW’ning dilerlik markaziga kelgan va sinovdan o‘tkazish uchun avtomobilni olgan. Muassasaga kirgan erkak kassirga o‘qotar qurol bilan tahdid qilib, 100 va 50 dollarli nominaldagi kupyuralarda 10 ming dollar berishini talab qilgan. Bosqinchi o‘z talabini qog‘ozga yozib ko‘rsatgan. Pullarni olgach erkak avtosalonga qaytib borgan va BMW uchun dastlabki to‘lovni amalga oshirgan.
Biroq yaxshi o‘ylanmagan reja o‘zini oqlamagan. Bank xodimi o‘g‘riga berilgan pullar ichiga belgi qo‘yilgan 20 dollarli kupyuralarni ham qo‘shib yuborishga ulgurgan. Erik Dion Uorren dilerlik markazida bitimni rasmiylashtirishni juda tezlashtirgani sabab jinoyat joyida barmoq izi mavjud varaqni qoldirib ketgan. Bundan tashqari, erkak o‘zi harakatlangan BMW’ning jinoyat joyida bo‘lgani hisobga olinishini e’tibordan qochirgan.
Politsiyachilar jinoyatchini avtosalonning o‘zida hibsga olgan. 50 yoshli Erik Dion Uorren 20 yilga ozodlikdan mahrum etilgan.
Mavzuga doir: AQSh politsiyasi Chevrolet avtosalonida sodir etilgan o‘g‘irlik videosi bilan bo‘lishdi
Izoh (0)