Bugun,

  • USD 11095.31
  • RUB 173.84
  • EUR 10772.44

“Oskar” mukofotining taqdirlash marosimi kinosanoatdagi eng asosiy hodisalardan biri sanaladi. Karyerasini kino sohasidan boshlagan yulduzlar ushbu mukofotga loyiq ko‘rilish uchun o‘zini o‘qqa-cho‘qqa urishi mumkin, lekin ular orasida turli sababga ko‘ra tashrif buyurmaydigan va mukofotni muhim deb bilmaydigan taniqli shaxslar ham yo‘q emas.

Kendrik Lamar

Foto: Cosmopolitan

Foto: Cosmopolitan

Lamarning 2019-yildagi marosimda Sia bilan birga ijro etishi kerak bo‘lgan “Qora Pantera” filmidagiAll the Stars qo‘shig‘i kuylanmay qolib ketgan. Bunga xonanda vaqtni to‘g‘ri hisoblamagani va yetib kelolmagani sabab bo‘lgan.

Uill Smit

Foto: Cosmopolitan

Foto: Cosmopolitan

Uill “Himoyachi” filmi nominatsiyaga qo‘yilmagani sabab marosimga tashrif buyurmagan. U 20 ta nominatsiyadan bittasiga ham qora tanli aktyorlar nomzodi qo‘yilmaganiga norozilik bildirgan.

Benksi

Foto: Cosmopolitan

Foto: Cosmopolitan

Britaniyalik sirli rassom anonimlikni ma’qul ko‘radi. 2011-yilda uning “Sovg‘alar do‘koni orqali chiqish” nomli filmi yilning eng yaxshi hujjatli filmi nominatsiyasiga nomzod qilib ko‘rsatilgan, ammo muallifga niqobda kelish taqiqlangan. Film g‘olib deb topilganidan keyin sahnaga besh nafar maymun niqobidagi yigit tashrif buyurib ularning har biri Benksi ekanini aytgan, shundan keyin film mukofotdan quruq qolgan.

Roman Polanski

Foto: Cosmopolitan

Foto: Cosmopolitan

2003-yilda “Pianinochi” filmi sabab yil rejissori deb topilgan Roman mukofotni qo‘lga kirita olmagan. Bunga 1977-yilda mojarolarga aralashib qolib mamlakatdan chiqib ketgani va AQShga kirishi taqiqlangani sabab bo‘lgan. Statuetkani uning nomidan Xarrison Ford qabul qilib olgan.

Eminem

Foto: Cosmopolitan

Foto: Cosmopolitan

Reper 2003-yilda Love yourself saundtreki sabab taqdirlanishi kerak bo‘lgan, ammo unda ishtirok eta olmagan. Mish-mishlarga qaraganda xonanda uxlab qolgan, uning o‘zi esa Bononi yutishiga ishonchi komil bo‘lgani sabab kelmaganini ta’kidlagan.

Terrans Malik

Foto: Cosmopolitan

Foto: Cosmopolitan

Afsonaviy rejissor hech qachon taqdirlash marosimiga tashrif buyurmagan. “Ingichka qizil chiziq” filmi efirga uzatilishidan avval ortiqcha ma’lumot ovoza qilmaslik haqida bitim imzolaganiga qaramay prodyuserlar tafsilotlarni ochib tashlaydigan intervyu bergan. Unga sotqinlik qilishgani sabab Malik eng yaxshi rejissor nominatsiyasidan o‘rin olgan bo‘lsa ham tashrif buyurmagan. Film esa mukofotni qo‘lga kiritmagan.

Maykl Keyn

Foto: Cosmopolitan

Foto: Cosmopolitan

1987-yilda aktyor “Xanna va uning singillari” filmidagi ishtiroki sabab eng yaxshi ikkinchi darajali aktyor yo‘nalishi bo‘yicha statuetkaga loyiq deb topilgan, ammo boshqa loyihada suratga tushish bilan band ekani sabab taqdirlash marosimiga tashrif buyurmagan.

Vudi Allen

Foto: Cosmopolitan

Foto: Cosmopolitan

Rejissor deyarli hech ham taqdirlash marosimiga tashrif buyurmagan. 1978-yilda “Enni Xoll” filmi uch yo‘nalish: eng yaxshi ijro, ssenariy va film bo‘yicha mukofotga loyiq deb topilgan. 2002-yilda 11-sentabr voqealaridan keyin Nyu-York haqidagi film esa istisno bo‘lgan. U taqdirlanish g‘oyasini yoqtirmasligini ta’kidlaydi.

Ketrin Xepbern

Foto: Cosmopolitan

Foto: Cosmopolitan

To‘rt karra “Oskar”ga loyiq topilgan aktrisa bir marta ham taqdirlash marosimiga kelmagan. U ilk bor 1974-yilda Irving Talbergning memorial mukofotini taqdim qilish uchun marosimga tashrif buyurgan. U “Inson xudbin bo‘lmay qo‘yishi uchun 41 yil kutishi kerakligining tirik isbotiman”, — degan.

Marlon Brando

Foto: Cosmopolitan

Foto: Cosmopolitan

Aktyor 1973-yilda “Cho‘qintirgan ota” filmidagi Vito Korleone roli sabab mukofotga loyiq deb topilgan, ammo shunga qaramay taqdirlash marosimiga tashrif buyurmagan.

Jorj Skott

Foto: Cosmopolitan

Foto: Cosmopolitan

Jorj 1970-yilda “Patton” filmidagi roli uchun nominatsiyaga qo‘yilishidan bosh tortgan va mukofotni qabul qilmasligini bildirgan. Statuetkani olmagan Jorj taqdirlash marosimini ikki soatlik ko‘zbo‘yamachilik, deb atagan.

Elizabet Teylor

Foto: Cosmopolitan

Foto: Cosmopolitan

Aktrisaning turmush o‘rtog‘i Richard Barton Elizabet 1966-yildagi taqdirlash marosimini u sabab o‘tkazib yuborganini ma’lum qilgan. Richard to‘rt marotaba statuetkaga loyiq deb topilmagan va beshinchi marta ham shunday natija bo‘lishini istamagan. Gap shundaki, ularning har ikkisi ham “Kim Virjiniya Vulfdan qo‘rqadi” filmi sabab nomzodlar orasidan o‘rin olgandi.

Izoh
Asosiy yangiliklar
Iqtisodiyot
O‘zbekistonda 2035-yilga borib aholi 45 milliondan oshishi kutilyapti — PMTI
Dunyo
Afg‘onistonda yuqori martabali amaldorlar “Tolibon” yetakchisini taxtdan ag‘darmoqchi 
Mahalliy
“Prava”ni yangisiga almashtirib beradigan onlayn xizmat faoliyatida nosozlik kuzatilmoqda