Internetda Apple naushniklarining yangi versiyasiga oid tasvirlari paydo bo‘ldi — gadjet yangicha dizaynga ega bo‘ladi, deb yozadi Hi-Tech.Mail.ru.
Apple AirPods Pro naushniklari ham o‘zidan oldingi versiya kabi ichki kanal “nasadka”lari va faol shovqinso‘ndirgichlarga ega, biroq ularning tashqi ko‘rinishi o‘zgargan.
Xususan, naushnik “oyoqchasi” sezilarli darajada kalta bo‘ladi, e’lon qilingan suratda u umuman yo‘qdek tasavvur uyg‘otadi. Naushniklarning o‘zi esa ancha yumaloqlashadi va shu orqali tashqi ko‘rinishi bilan Samsung Galaxy Buds yoki Google Pixal Buds’ga o‘xshab ketadi.
Keysning shakli esa katta o‘zgarishga uchramaydi, biroq u ancha kichik va yengil bo‘ladi. Shunday ekan, uni hamyonda olib yurish qulaylashadi.
Mish-mishlarga ko‘ra, Apple AirPods Pro 2’ni ikki xil o‘lchamda taqdim etadi — standart va katta. Narxi to‘g‘risida hozircha hech qanday ma’lumotlar berilmagan.
Avvalroq Apple kompaniyasi o‘zining birinchi to‘liq o‘lchamli naushnigi — AirPods Max’ni taqdim etgan edi.
Izoh (0)