Zamonaviy Bollivud: Eng taniqli hind aktrisalari qanday uslubda kiyinadi (foto)

Bollivud shuncha ommabopligiga qaramay ham, dunyodagi millionlab muxlislar uchun haqiqiy sir bo‘lib qolmoqda. Mashhur hind aktrisalarining uslubi sahnadan tashqarida qanday ekanligi esa yanada qiziq.

Ayshvariya Ray

Bollivudning eng yorqin yulduzlaridan biri nafaqat kino karyerasi bilan shug‘ullanadi, balki ko‘plab taniqli brendlarning yuzi hamdir. Shuning uchun, Rayning har bir chiqishi moda tanqidchilarining diqqat markaziga aylanadi. Ammo aktrisa o‘z uslubini saqlab qolgan.

Priyanka Chopra

Priyanka ayollik nazokatini aks ettiruvchi ko‘ylaklar kiyishni xush ko‘radi. Vaqti-vaqti bilan moda borasida tajribalar ham qilib turadi. Bu, albatta, aktrisani yanada latofatli ko‘rsatadi.

Anushka Sharma

Anushka ham avvalgi qahramon singari uslublar borasida tajriba qilishdan qo‘rqmaydi. Lekin u an’anaviy liboslarni ham unutmaydi! Gohida uni zamonaviylik va milliylikni uyg‘unlashtirgan uslubda ham ko‘rish mumkin.

Dipika Padukone

Hind yulduzlari orasida klassikaning muxlislari ham bor. Dipika sodda va uzun liboslarni yaxshi ko‘radi. Kechki sayr uchun Gollivud qiyofasini tanlasa, ish kunlari rasmiylikka e’tibor qaratadi.

Frida Pinto

Frida Pinto Gollivudda ham mashhurlikka erishishidan avval Bollivud yulduzi bo‘lgan. Aktrisa ijtimoiy tadbirlar va moda namoyishlariga tez-tez tashrif buyuradi, shuning uchun ham yangi tendensiyalarni kuzatib boradi.

Sonam Kapur

Hindistonning eng mashhur sulolasining ikki vakili − Sonam va Karina klassik va zamonaviy tendensiyalarni aralashtirishni afzal ko‘radi.

Karina Kapur

Karina Kapurning dunyo bo‘ylab muxlislari uning uslubini kuzatib boradi va aktrisalarning yangi obrazlarini e’tibordan qoldirmaydi.