Funchoza va sabzavotlardan tayyorlangan oddiy salat

Funchoza, sabzi va yangi bodringlar, sarimsoqpiyoz, yashil piyoz hamda xushbo‘y hidli koreys ziravorlari – bular sizning sevimli mahsulotlaringizmi? Unda quyidagi retsept aynan siz uchun!

Kerakli mahsulotlar:

• funchoza — 100 gr;
• piyoz — 2 dona;
• o‘simlik yog‘i — 100 ml;
• sabzi — 3 dona;
• tuz – ½ choy qoshiq;
• koreys ziravorlari — 1 osh qoshiq;
• uksus 9% — 2 choy qoshiq;
• sarimsoqpiyoz — 5 dona;
• bodring – 1–2 dona;
• yashil piyoz – ta’bga qarab;
• kunjut – ta’bga qarab.

Tayyorlanish jarayoni:

• funchozaga issiq suv quyib, 5–7 daqiqagacha shu holatda qoldiring;
• piyozni to‘g‘rang, qizigan yog‘ga soling va qizargunga qadar qovuring;
• sabzini tozalab, qirg‘ichdan chiqaring;
• sabziga tuz, ziravorlar, sirka va maydalangan sarimsoqpiyozni qo‘shing, piyozni tovadan oling. Sovugach, uni ham sabzili aralashmaga qo‘shing;
• funchozani suvdan suzib oling va sovuting;
• bodringni ham qirg‘ichdan o‘tkazing;
• sabzi, bodring va to‘g‘ralgan yashil piyozni aralashtiring. Xohlasangiz, soya sousini qo‘shishingiz ham mumkin;
• tayyor salatga kunjut qo‘shing;
• ishtaha ochar salatimizni shu vaqtning o‘zida dasturxonga torting yoki muzlatgichda sovutib oling.