Xorvatiyada 6,2 magnitudali zilzila sodir bo‘ldi, kamida yetti kishi halok bo‘ldi, vayronalar ostidan tirik qolganlarni qidirish ishlari davom etmoqda, deb yozadi “RBK”. Zilzila episentri mamlakat markaziy qismidagi Petrinya shahri hududida joylashgan. Sisake shahrida biroz vaqtga suv va elektr uzib qo‘yildi. AQSh geologiya xizmati baho berishicha, bu Xorvatiyada seysmik silkinishlarni o‘lchashning zamonaviy usullari paydo bo‘lganidan buyon qayd etilgan eng kuchli zilziladir.
