Komiljon Erkinovich Sobirov Xorazm viloyati hokimining qishloq va suv xo‘jaligi masalalari bo‘yicha o‘rinbosari lavozimiga tayinlandi. Bu haqda Xorazm viloyati hokimligi axborot xizmati xabar berdi.
Komiljon Sobirov shu vaqtgacha Sirdaryo viloyati hokimining qishloq va suv xo‘jaligi masalalari bo‘yicha o‘rinbosari lavozimida ishlab kelayotgan edi.
Yangi o‘rinbosar mazkur lavozimda 2020-yil martidan buyon viloyat hokimining qishloq va suv xo‘jaligi masalalari bo‘yicha o‘rinbosari bo‘lgan Otabek Yusupovning o‘rnini egalladi.
Avvalroq Botir Saidov Xorazm viloyati hokimining turizm va sportni rivojlantirish masalalari bo‘yicha o‘rinbosari lavozimiga tayinlangani haqida xabar berilgandi. Shuningdek, viloyatning Xonqa tumaniga, Xiva va Urganch shaharlariga ham yangi rahbarlar tayinlangandi.
Izoh (0)