Fransiyada bortida olti kishi bo‘lgan vertolyot halokatga uchradi. Uchuvchi omon qoldi

Fransiyaning Savoyya departamentidagi Alp tog‘larida bortida olti kishi bo‘lgan vertolyot halokatga uchradi, deb xabar beradi “RBK”.

Viloyat prefekturasi ma’lumotlariga ko‘ra, gap Fransiyaning havo navigatsion xizmatiga tegishli vertolyot haqida ketmoqda. Uning bortida xizmatning to‘rt nafar xodimi va ikki nafar qutqaruvchi bo‘lgan. Avariya 8-dekabr, seshanba kuni Toshkent vaqti bilan soat 23:00 larda 1,8 ming metr balandlikda sodir bo‘lgan. Uchuvchi “trevoga” signalini berib, katapultadan foydalanishga ulgurib qolgan.

Vertolyotdagi insonlarni qidirishga 40 dan ortiq odam, uchta vertolyot, shuningdek, boshqa texnikalar jalb etilgan.

BFMTV’ning Savoyya prefektiga tayanib ma’lum qilishicha, avariya oqibatida besh kishi halok bo‘lgan. Uchuvchi omon qolgan, biroq jiddiy jarohat olgan. Shuningdek, bu haqda Fransiya prezidenti Emmanuel Makron ham Twitter’dagi sahifasida yozib qoldirgan.