Buyuk Britaniya hukumati mamlakatdagi terroristik xavf darajasini “mavjud”dan “jiddiy”ga oshirdi. Bu haqda Meduza xabar berdi.
Yangi daraja Buyuk Britaniyada amalda bo‘lgan besh ballik terroristik xavf shkalasining to‘rtinchi darajasi hisoblanadi. Bu daraja terakt sodir bo‘lish ehtimoli “juda yuqori” ekanligini anglatadi, biroq maxsus xizmatlarda tayyorlanayotgan qandaydir terakt haqida aniq ma’lumotlar mavjud emas.
Eslatib o‘tamiz, 2-noyabr kuni Avstriya poytaxti Vena shahrida bir nechta terrorchi shahar markazida odamlarga o‘t ochdi. Terakt natijasida besh kishi vafot etdi, 22 kishi jarohat oldi. Terrorchilardan biri, IShIDning 20 yoshli tarafdori politsiya tomonidan yo‘q qilingan. Teraktga aloqadorlikda gumon qilinib 14 kishi Avstriyada va yana ikki kishi Shveysariyada qo‘lga olingan.
Fransiyaning Nitssa shahrida 29-oktabr kuni tunislik erkak Notr-Dam ibodatxonasida odamlarga pichoq bilan hujum qilgan, uch kishi vafot etgan, terrorchining o‘zi esa qo‘lga olish jarayonida jiddiy jarohat olgan, biroq omon qilgan.
Izoh (0)