Ispaniyalik yarim himoyachi Tiago Alkantara “Liverpul” safida “Chelsi”ga qarshi uchrashuvning (2:0) 46-daqiqasida zaxiradan maydonga tushdi.
Ispaniyalik futbolchi ikkinchi bo‘limning o‘zida 75 ta aniq to‘p uzatishini amalga oshirdi. Bu butun o‘yin davomida harakat qilgan “Chelsi”ning istalgan futbolchisining uzatmalaridan ko‘pdir.
Opta’ning xabar berishicha, Tiagoning ushbu natijasi (bir bo‘limda 75 ta pas) mazkur statistikani hisoblash boshlanganidan keyingi (APL 2003/04-yilgi mavsumidan) vaqtdagi eng yaxshisi bo‘lgan. Bunda futbolchilarning maydonda 45 daqiqadan ko‘p bo‘lmagan vaqti hisobga olingan.
Eslatib o‘tamiz, “Liverpul” Tiagoni 25 million funt evaziga “Bavariya”dan sotib oldi.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
