Qozog‘istonda o‘tgan bir sutka ichida 1646 kishida koronavirus aniqlandi, Qirg‘izistonda esa yana 46 kishi COVID-19 va pnevmoniyadan vafot etdi

Qozog‘istonda o‘tgan bir sutka ichida yana 868 kishida koronavirus aniqlandi, shuningdek, 778 kishida kasallikning belgisiz holati qayd etilgan. Umumiy hisobda bir sutka davomida COVID-19 qayd etilgan bemorlar soni 1646 kishini tashkil etgan, deb xabar beradi Tengrinews.

Koronavirusga chalinish bo‘yicha yangi holatlar quyidagi hududlarda aniqlangan:

• Atirau viloyati — 9530 (+138);
• Olmaota shahri — 9851 (+216);
• Nur-Sulton shahri — 9068 (+236);
• Qarag‘anda viloyati — 7541 (+140);
• Chimkent shahri — 4554 (+36);
• G‘arbiy Qozog‘iston viloyati — 5031 (+99);
• Olmaota viloyati — 3802 (+69);
• Sharqiy Qozog‘iston viloyati — 4698 (+210);
• Turkiston viloyati — 2541 (+77);
• Jambil viloyati — 3047 (+48);
• Aqto‘be viloyati — 2842 (+39);
• Mang‘istov viloyati — 2444 (+47);
• Pavlodar viloyati — 2583 (+68);
• Qizilo‘rda viloyati — 2541 (+77);
• Shimoliy Qozog‘iston viloyati — 2451 (+99);
• Aqmo‘la viloyati — 2161 (+53);
• Kostanay viloyati — 2123 (+52).

Butun mamlakat bo‘ylab koronavirusga chalinganlar soni 76 799 kishiga yetgan. Hozirga qadar 48 220 kishi sog‘aygan. Avvalroq mamlakatda koronavirus qurbonlari soni 610 kishiga yetgani to‘g‘risida xabar berilgandi, biroq rasmiy statistikada vafot etganlar soni hamon 585 kishini tashkil etmoqda.Qirg‘izistonda 23-iyul holatiga ko‘ra, koronavirus va shifoxonadan tashqarida yuqtirilgan pnevmoniya bilan kasallanish bo‘yicha yana 967 ta holat qayd etildi, deb xabar beradi Kloop.

Koronavirusga chalingan yangi kasallarning 202 nafari Bishkek shahri hisobiga to‘g‘ri kelmoqda. Shuningdek, quyidagi hududlarda ham koronavirus bilan kasallanish bo‘yicha yangi holatlar qayd etilgan:

• Chuy viloyati — 94;
• O‘sh shahri — 100;
• O‘sh viloyati — 136;
• Issiqko‘l viloyati — 138;
• Jalolobod viloyati — 157;
• Norin viloyati — 41;
• Talas viloyati — 36;
• Botken viloyati — 63.

Mamlakatda pandemiya boshlanganidan buyon COVID-19 va kasalxonadan tashqarida yuqtirilgan pnevmoniyaga chalinganlarning umumiy soni 30 126 kishiga yetgan. Koronavirus va pnevmoniya bilan kasallanganlarga oid statistika umumiylashtirilgach, ularning soni ortib ketgan.

Shuningdek, Qirg‘izistonda o‘tgan bir sutka ichida pnevmoniya bilan kasallangan 1031 bemor sog‘aygan. Ayni vaqtda kasallikdan sog‘ayganlar soni 16 791 kishiga yetdi.

Bundan tashqari, Sog‘liqni saqlash vazirligi tomonidan o‘tgan bir sutka ichida 46 kishi koronavirus va pnevmoniyadan vafot etgani qayd qilingan. Respublikada pandemiya boshlanganidan buyon vafot etganlar soni 1169 kishiga yetdi.

Jons Hopkins universiteti ma’lumotlariga ko‘ra, Afg‘onistonda o‘tgan bir sutka ichida yana 112 kishida koronavirus aniqlangan.

Mamlakat Sog‘liqni saqlash vazirligining ma’lumotlariga ko‘ra, Afg‘onistonda koronavirusga chalinganlar soni 35 727 kishini tashkil etmoqda.

Butun mamlakat bo‘ylab koronavirusdan hozirga qadar 23 924 bemor tuzaldi. Umumiy hisobda 1190 kishi kasallik oqibatida vafot etgan.

Tojikistonda koronavirus bilan kasallanganlar soni 7015 kishiga yetdi, deb xabar beradi “RIA Novosti”. O‘tgan sutka davomida yana 48 kishida koronavirus aniqlangan.

Mamlakatda o‘tgan bir sutka ichida 58 kishiga shifoxonadan javob berilgan. Tojikistonda hozirga qadar 58 kishi COVID-19 qurboniga aylangan, 5741 bemor sog‘aygan.

O‘zbekistonda 23-iyul soat 10:00 holatiga ko‘ra koronavirusga chalinganlar soni 18 531 taga yetdi. Ayni paytda mamlakatda 9872 nafar koronavirus infeksiyasiga chalingan fuqarolar (53 foiz) sog‘aygan. Shuningdek, SSV hisobi bo‘yicha O‘zbekistonda hozirgacha 99 kishi koronavirus infeksiyasi asoratlari oqibatida vafot etgan (“Daryo” hisobi bo‘yicha vafot etganlar soni kamida 104 nafar).