Belarus prezidenti Aleksandr Lukashenko Vitebsk viloyati gubernatori qanday usul bilan koronavirusdan tuzalgani haqida gapirib berdi, deya xabar berdi “Korrespondent.net”.

Foto: Regnum

Lukashenkoning ma’lum qilishicha, viloyat gubernatori har kuni ertalab chalg‘io‘roq bilan o‘t o‘rgan va bu uning tez sog‘ayishiga imkon bergan.

Prezidentning so‘zlariga ko‘ra, bu u tomonidan avvalroq aytilgan, “traktor hamma narsani davolaydi”, degan nazariyani tasdiqlaydi.

“Bu aynan men dastlab hazillashib aytgan ‘traktor hamma narsani davolaydi’, degan so‘zlarim. Hech bir holatda ekin ekish kampaniyasini to‘xtatish mumkin emas edi, aks holda hozir och qolgan bo‘lardik”, — deya ta’kidlagan Lukashenko.

Shuningdek, Belarus rahbari COVID-19 tarqalishi vaqtida toza havoda bo‘lishning muhimligiga e’tbor qaratgan.

“Albatta, toza havoda ishlash kerak. Hech qanday holatda odamlarni bir xonali, ikki xonali kvartiralarga qamash mumkin emas edi”, — dedi prezident.

Avvalroq Aleksandr Lukashenko Belarusda koronavirus ustidan g‘alaba qozonilganini ma’lum qilgandi.