Futbol bo‘yicha Angliya Premyer Ligasining 36-turida “Chelsi” 14-iyul, seshanba kuni “Norvich”ni mehmon qildi.
Uchrashuvni londonliklar faol boshladi, o‘z navbatida mehmonlarda ham bir qator imkoniyatlar yuzaga keldi. Birinchi bo‘limga qo‘shib berilgan vaqtda Olivye Jiru Kristian Pulishich tomonidan uzatib berilgan to‘pga boshi bilan zarba berib, uni darvozaga joylab qo‘ydi.
Ikkinchi bo‘limda Frenk Lempard shogirdlari vaziyatni to‘liq nazorat qildi, biroq darvozalar dahlsiz qoldi.
Ushbu g‘alabadan so‘ng “Chelsi” ochkolarini 63 taga yetkazib oldi va 3-o‘ringa mustahkam joylashdi. “Ko‘klar” keyingi o‘rinlardagi “Lester” va “Manchester Yunayted”ni to‘rt ochkoga ortda qoldirmoqda. “Norvich” esa o‘tgan turda ligada jon saqlab qolish imkoniyatini yo‘qqa chiqargandi.
APL
36-tur bahsi
14-iyul, seshanba
“Chelsi” — “Norvich” 1:0
Gol: 1:0 – 45+3 Jiru.“Chelsi”: Arrisabalaga, Alonso (Jeyms, 80), Zuma, Aspilikueta, Ryudiger, Loftus-Chik (Barkli, 67), Kovachich, Pulishich (Hadson-Odoi, 81), Jorjinyo, Villian, Jiru (Abraham, 86).
“Norvich”: Krul, Godfri, Kloze, Aarons, Lyuis, Kentuell (Buendia, 71), Rupp (Martin, 89), Tetti (Shtipermann, 79), Ernandes (Pukki, 79), Maklin, Drmich (Ida, 79).
Ogohlantirishlar: Kentuell (58), Zuma (60), Kovachich (62), Buendia (88).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)