AQSh telekompaniyalar manbalari mamlakat prezidenti Donald Trampni Vladimir Putin bilan yumshoq va G‘arb mamlakatlari rahbarlari bilan juda qattiq gaplashgani uchun tanqid qildi.
CNN’ning Oq uydagi manbalarga va suhbatning mazmunidan xabardor AQSh razvedka doiralariga tayanib xabar berishicha, prezident Donald Tramp chet el rahbarlari bilan suhbatlarda ko‘pincha qobiliyatsizligini namoyish etadi. U ba’zi holatlarda suhbatdoshlarini haqorat ham qiladi.
Masalan, Amerika prezidenti Buyuk Britaniya va Germaniya rahbarlari bilan suhbatlarda keskin gaplarni gapirgan. U Buyuk Britaniya sobiq bosh vaziri Tereza Meyni jasoratsizlikda ayblagan va Germaniya kansleri Angela Merkelni “ahmoq” deb atagan.
Shuningdek, Tramp suhbatdoshlari bilan o‘zi haqida juda ko‘p gaplashgan. Masalan, Saudiya Arabistoni valiahd shahzodasi Muhammad bin Salmon va KXDR yetakchisi Kim Chen In bilan suhbat chog‘ida u boyligi bilan maqtanib, prezidentlikdagi ulkan yutuqlari haqida gapirgan.Vladimir Putin bilan suhbatlarda u o‘zining o‘tmishdoshlarini tanqid qilib, ularni zaif va bema’ni deb aytgan.
Tramp Turkiya prezidenti Rajab Toyyip Erdo‘g‘on va Fransiya prezidenti Emmanuel Makron bilan ham ko‘p suhbatlashgan. Fransuz yetakchisi bilan suhbat ko‘pincha asabiy tarzda kechgan.Makron Trampni iqlim o‘zgarishi bo‘yicha siyosatini o‘zgartirishga ko‘ndira olmagan va Amerika prezidenti o‘z hamkasbini NATOga kam mablag‘ sarflashda va muhojirlarga nisbatan haddan tashqari liberal siyosatda ayblagan.
Qayd etilishicha, Tramp Putin bilan suhbatlarida Rossiyaning dunyodagi rolini haddan tashqari oshirib ko‘rsatgan.Haftada ikki marta Tramp Erdo‘g‘on bilan suhbatlashgan. Amerika prezidenti ushbu suhbatlar chog‘ida ko‘pincha Yaqin Sharqdagi ishlarda, xususan, Suriya mojarosi jarayonida nomuvofiqlikni namoyish etgan.
Avvalroq Tramp mamlakatning sobiq prezidenti Barak Obamani davlatga xiyonatda ayblagan edi.
Izoh (0)