Futbol bo‘yicha Ukraina chempionatining 27-turida “Shaxtyor” Kiyevda “Aleksandriya”ni mag‘lub etdi va mamlakat chempioniga aylandi.
“Shaxtyor” safida Tete dubl qayd etgan bo‘lsa, yana bir golga Tayson mualliflik qildi. Mehmonlarning javob gollari Yevgeniy Banada va Maksim Tretyakov tomonidan kiritildi.
Mazkur g‘alaba “Shaxtyor”ga 13-chempionlikni taqdim etdi. Donetskliklar klubi ketma-ket to‘rtinchi marta Ukraina Premyer Ligasi g‘olibiga aylandi.
27 o‘yindan so‘ng “Shaxtyor” 71 ochko to‘pladi. 26 ta o‘yin o‘tkazgan ikkinchi o‘rindagi “Dinamo Kiyev” hisobida 52 ochko mavjud.UPL
27-tur bahsi“Shaxtyor” — “Aleksandriya” 3:2
Gollar: 1:0 – 13, penalti Tayson, 1:1 – 48 Banada, 1:2 – 51, penalti Tretyakov, 2:2 – 60 Tete, 3:2 – 78 Tete.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
