AQSh Milliy basketbol assotsiatsiyasi koronavirus sabab to‘xtab qolgan mavsumni qayta boshlashga tayyorlanmoqda. O‘yinchilarning infeksiya yuqtirib olish xavfini kamaytirish maqsadida kasallik belgilarini kuzatuvchi maxsus uzuklardan foydalaniladi, deb xabar beradi The Athletic.
Bundan tashqari, basketbolchilar NBA 2K sport simulyatori yordamida dam oladi va o‘yinchilar orasidagi masofa 1,5 metrdan kamayib ketsa signal beradigan brasletlarni taqib yuradi. Ularning hayotiga kirib boradigan yana bir texnologik qo‘shimcha — bu Oura uzugi. G‘arbiy Virjiniya universitetining aniqlashicha, uzuk tomonidan to‘plangan va ilovadagi so‘rov natijasida olingan ma’lumotlar insonning koronavirusga chalinganini 90 foiz aniqlikda prognoz qilishda yetarli hisoblanadi.
Oura’ning “aqlli” uzuklari namlikka chidamli titan korpusdan yasalgan bo‘lib, u bir marta quvvatlanish orqali 7 kun ishlay oladi. Qurilma funksiyalari bilan smart-soatlar va fitness-treklardan farq qilmaydi. Uzukka infraqizil yorug‘likdiod datchiklari, termometr, shuningdek, akselerometr va giroskop o‘rnatilgan. Qurilma ma’lumotlarni olti haftagacha saqlay olishi va uni Android yoki iOS-smartfonlarga uzatishi mumkin.
Ta’kidlanishicha, uzukni taqish majburiy emas. Shuningdek, ilova o‘yinchining kasal ekanligini ko‘rsatmaguncha shifokorlar va begonalar uning sog‘lig‘i to‘g‘risidagi ma’lumotlar bilan tanisha olmaydi. Mavzuga doir:
