Sousli mazkur taom tushlik va kechki ovqat uchun ayni muddao.
Buning uchun quyidagi mahsulotlar kerak bo‘ladi:
- Go‘sht — 500 gr
- Kartoshka — 500 gr
- Bulg‘or qalampiri — 2 dona
- Pomidor — 3 dona
- Piyoz — 2 dona
- Sut — 1 l
- Un — 2 osh qoshiq
- Pishloq— 50 gr
- Tuxum — 3 dona
- O‘simlik yog‘i — 5o ml
- Sariyog‘— 50 gr
- Tuz, murch
- Go‘shtni qiymalagichdan chiqarib oling.
- Piyozni somoncha, kartoshkani to‘rtburchak shaklida to‘g‘rang.
- Kartoshkani o‘simlik yog‘ida qovurib oling.
- Boshqa bir idishda piyozni qovurib, qiymaga aralashtiring va ustini yopib dimlang.
- Birozdan so‘ng pomidor va bulg‘ori qalampiri, tuz, murch soling, suv quyib dimlang.
- Yog‘langan pech patnisiga ozgina qovurilgan kartoshka ustidan qiymali aralashmani soling.
- Qiyma ustidan yana kartoshkaning qolgan qismini soling.
- 200 daraja qizigan pechda 30 daqiqa davomida pishirib oling.
- Tovada sariyog‘ni eriting va 2 osh qoshiq un solib, tillarang tusga kirgunicha qovuring.
- Avval sut, keyin esa tuxum qo‘shing.
- Pishloqni qirg‘ichdan chiqaring va sousga qo‘shib aralashtiring.
- Taom ustiga sous quyib, yana pechga qo‘ying.
Izoh (0)