UFC jangchisi Umar Nurmagomedov yengil vazn toifasida UFC chempioni Habib Nurmagomedovning otasi Adbulmanap Nurmagomedovning ahvoli haqida ma’lumot berdi.
“Aniq ma’lumot va yangiliklar yo‘q, biroq amakimning ahvoli barqaror og‘ir holatda. Sog‘ayish dinamikasida o‘sish bor, ammo ahamiyatga molik birorta yangilik mavjud emas”, — deydi Nurmagomedov.
Avvalroq Habib Nurmagomedovning otasida koronaviruv aniqlangani va uning ahvoli o‘ta og‘irligi ma’lum bo‘lgandi.
Aprel oyi oxirida Abdulmanap pnevmoniya tashxisi bilan Dog‘istondagi shifoxonaga tushib qolgan, keyinchalik ahvoli og‘irlashgach, Moskvadagi harbiy shifoxonaga olib ketilgandi. Keyinchalik uning yuragida muammo bo‘lgani ham aytildi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)