Uy sharoitida parhezli mayonez tayyorlaymiz

Mayonezli salat tayyorlamoqchisiz, lekin karantin vaqtida birgina mahsulot uchun ko‘chaga chiqish yaxshi emas, deb o‘ylayapsizmi? To‘g‘ri o‘ylabsiz, siz uydan chiqmang biz esa sizga uy sharoitida mayonez tayyorlash retseptini o‘rgatamiz.

Buning uchun bizga quyidagi mahsulotlar kerak bo‘ladi:

• Tuxum sarig‘i — 2 dona
• Xantal — 1 choy qoshiq
• Smetana — 130 gramm
• Limon sharbati — 1 choy qoshiq
• Zaytun moyi — 1 osh qoshiq
• Ta’bga ko‘ra tuz, murch

Tayyorlanish jarayoni:

1. Tuxumni suvda pishirib oling, tuxumning oqi kerak bo‘lmaydi, sarig‘ini olib sanchqi yordamida maydalang.
2. Ezilgan tuxum sarig‘iga limon sharbati, zaytun moyi va xantal qo‘shing. Massa holiga kelgunicha aralashtiring.
3. Aralashmaga smetana, tuz va murch qo‘shing.

Parhezli mayonez tayyor, yoqimli ishtaha!

Mavzuga doir: Tovuq filesidan sosiska tayyorlaymiz