Tibbiyot fanlari doktori, Rossiya xalqlar do‘stligi universiteti yuqumli kasalliklar kafedrasi rahbari Galina Kojevnikova COVID-19 koronavirusining chekuvchi insonlar uchun tamakidan yiroq yuruvchilarga nisbatan xavfliroq ekanligi sababini tushuntirdi.
Olimaning so‘zlariga ko‘ra, kasallikning o‘tkirlashgan davri alomatlari, ya’ni isitma chiqishi, ishtahaning yo‘qolishi, mushaklardagi og‘riqlar sigaret chekuvchi insonlarda boshqalarga nisbatan ertaroq kechadi. Yakunda ularning nafas yo‘llariga infeksiya tushgani ham yaqqol seziladi.
“Shu sababli chekuvchilar kasalxonaga ancha og‘ir ahvolda yetkazilmoqda”, — deya ta’kidlagan Kojevnikova “Zvezda” telekanaliga bergan intervyusida. Kojevnikova ushbu jarayon nafaqat sigaret, balki chilim, vayp chekuvchilarga ham taalluqli ekanini bildirgan.Mavzuga doir:
Rossiyada 21 102 nafar kishida COVID-19 virusi qayd etilgan, 170 nafar odam infeksiya keltirib chiqargan pnevmoniya oqibatida vafot etgan, 1,7 ming nafar inson esa ushbu xastalikdan tuzalgan.
Izoh (0)