Videoanjuman shaklidagi Turkiy kengash sammiti, masofa saqlayotgan senator, plyajda sayr qilayotgan sigirlar. 10-aprel suratlari
10-aprel, juma kuni, dunyoning turli burchaklarida olingan eng qiziqarli suratlar jamlanmasini taqdim etamiz.
Germaniyadagi Avliyo Pankratiy cherkovining ruhoniysi Klaus-Martin Potman koronavirus pandemiyasi tufayli ibodatga o‘zlari kela olmagan, ammo suratlari o‘rindiqlarga qo‘yib chiqilgan dindorlarning siymosi qarshisida.Foto: Getty Images
Keniyaning Kiber xarobalari aholisi oziq-ovqat mahsulotlari yetishmovchiligi sababli darvozalarni buzib o‘tib, yordam olishga oshiqmoqda. Mahsulot yetkazib berish koronavirus pandemiyasi tufayli to‘xtab qolgan edi.Foto: AP Photo
AQShning San-Antonio shahridagi savdogarlar qishlog‘ida joylashgan oziq-ovqat taqsimoti markazida shaxsiy avtomobillarida o‘tirgan aholi.Foto: AP Photo
Vashingtonda Starship robotlari aholiga oziq-ovqat mahsulotlarini yetkazib berganidan so‘ng Broad Branch mahsulotlar do‘koniga qaytib kelmoqda.Foto: Rex
Iroqning Najaf shahrida koronavirus infeksiyasi tarqalishining oldini olish maqsadida yirik yig‘inlar taqiqlangani sababli kelin va kuyov tor doirada nikoh o‘qilishidan avval kutish onlarida.Foto: Getty Images
Avstraliyaning Sidney shahridagi baliq do‘koni yonida yurgan saqoqush.Foto: Getty Images
Kim Chen In Shimoliy Koreya Xalq armiyasining harbiy tayyorgarligini tekshirmoqda. Suratda ko‘rinib turibdiki, butun dunyoda koronavirus pandemiyasi davom etayotgan sharoitda ham hech kimda niqob yo‘q.Foto: Getty Images
Piza shahrida yashovchi italiyalik shifokor Sesiliya Bartalena Chizanellodagi tez yordam kasalxonasidagi navbatchilikdan so‘ng uyda dam olmoqda. Sesiliya turmush o‘rtog‘i va 4 yoshli qizini himoyalash uchun alohida yuvinish xonasi, oshxona va yotoqxonadan foydalanadi.Foto: Reuters
Italiyaning Varese shahridagi Kirkolo kasalxonasida COVID-19 dan aziyat chekayotgan bemor yonida unga dalda berayotgan tibbiyot xodimi.Foto: Reuters
Uxanda koronavirus tufayli vafot etgan insonlarning qabrlarini obodonlashtirish bo‘yicha tashkil etilgan Sinmin festivalida yig‘lab turgan niqobli erkak. Xitoy qurbonlar uchun milliy motam e’lon qilgan.Foto: Reuters
Bruklindagi Wyckoff Heights tibbiyot muassasasi yonida mobil telefonda suhbatlashib yig‘layotgan ayol.Foto: Reuters
Shotlandiyada joylashgan “Bler Drammond” bog‘idagi hayvonlar Pasxa bayrami arafasida yeguliklar oldi.Foto: “TASS”
Londondagi Kichik Venetsiya tumanida usti yopiq qayiq tomida quyoshda toblanib yotgan erkak.Foto: Reuters
Singapurda ijtimoiy masofalanishga amal qilmaganlar uchun qamoq jazosigacha boradigan jinoiy javobgarlik belgilandi.Foto: EPA
Niderlandiyaning Tilburg shahri meri qariyalar uyidagi ayollarga gul ulashmoqda.Foto: EPA
Qutqarilgan muhojirlar harbiy kemaning bandargohga qaytishini kuzatmoqda.Foto: Reuters
Braziliyaning barcha shtatlaridagi harbiylar uchun koronavirusga qarshi kurash bo‘yicha tashkil etilgan kurslardan so‘ng ishtirokchi himoya kiyimlari bilan birga dezinfeksiyadan o‘tmoqda.Foto: Getty Images
Fransiyaning Korsika orolidagi Mar-e-Sol qumli plyajida sayr qilib yurgan ikki sigir. Ayni paytda mamlakatda qat’iy “o‘zini yakkalash” tartibining yigirmanchi kuni o‘tib bormoqda.Foto: Getty Images
Kanada bosh vaziri Jastin Tryudo Ontariodagi matbuot anjumanida chiqish qilmoqda.Foto: Reuters
Vashingtonda kentukkilik senator Mitch Makkonnell jurnalistlarga ijtimoiy masofa saqlagan holda intervyu bermoqda.Foto: AP Photo
Nyu-Yorkda qiziqchi Sara Silverman koronavirusga qarshi kurash olib borayotgan tibbiyot xodimlariga minnatdorchilik bildirmoqda.Foto: Getty Images
Shavkat Mirziyoyev Turkiy kengashning navbatdan tashqari sammitida ishtirok etdi. Tadbir videoanjuman tarzida o‘tkazildi.Foto: Prezident matbuot xizmati
Xitoyning Penlay shahrida sovuq urishidan himoyalanish uchun muz bilan qoplangan olma daraxti kurtaklari.Foto: Getty Images
Shotlandiyalik Archi Gibbs, Keti Perfekt va Zennor Motli sog‘liqni saqlash xizmati va tibbiyot xodimlariga raqslari orqali minnatdorchilik izhor qilmoqda.Foto: The Guardian
Izoh (0)