O‘zbekiston Prezidenti Shavkat Mirziyoyev 18-mart kuni mahalla va oila masalalariga bag‘ishlangan videoselektor yig‘ilishining boshida koronavirus tufayli yuzaga kelgan holat haqida gapirdi.
Davlat rahbari oziq-ovqat xavfsizligi, kasallikning tarqalishi oldini olish borasidagi vaziyat nazorat ostida ekanligini ma’lum qilgan.
“Prokurorlar yursin bozorlarda. Odamlar sezsin davlat nazorati borligini.
Bu nima degan gap, boshimizga kulfat tushgan vaqtda narxni ko‘tarish? Bugungi og‘ir kunlarda insofsizlarcha bozorlarda narx-navoni ko‘tarib yuborayotganlarga qarata aytmoqchiman: buyurmaydi! Birovning tashvishi evaziga topilgan pul hech kimga buyurmaydi”, — deydi Prezident.
Davlat rahbari bu vaziyat hammani jipslashtirishi kerakligi, vahima ko‘tarish emas, holatni to‘g‘ri va sodda tilda tushuntirish maqsadga muvofiq ekanligi aytib o‘tdi.
Yig‘ilishda koronavirus tufayli O‘zbekiston fuqarolari xorijda ishlash imkoniyatlarini ham yo‘qotganiga e’tibor qaratilgan.
“Dunyo davlatlari yopildi. Ochig‘ini aytish kerak, shu paytgacha xorijga ish izlab chiqib ketayotgan fuqarolarimizni endi birov qabul qilmaydi. Vaziyatdan kelib chiqib, ularning bandligini ta’minlashimiz shart. Shu maqsadda aprel, may oylarida haq to‘lanadigan jamoat ishlariga ajratiladigan mablag‘larni ikki barobarga oshirishni rejalashtiryapmiz”, — degan Shavkat Mirziyoyev.
Mavzuga doir:
- Davlat soliq qo‘mitasi vakili narxlarni ataylab oshirayotgan savdogarlar borligidan ogohlantirdi
- O‘zbekistonda supermarketlar rastalarini bo‘shatgan ommaviy vahima qanday yuzaga keldi? Psixolog izoh berdi
- O‘zbekistonda koronavirus sababli zarar ko‘rishi mumkin bo‘lgan sohalarda soliq ta’tillari berilishi rejalashtirilmoqda
Izoh (0)