Samarqandda bir kunda qoidabuzarlarning 123 ta avtomobili jarima maydonchasiga joylashtirildi

Samarqandda bir kunlik “Avtopatrul” reyd tadbirida 812 ta qoidabuzarlik aniqlandi, 123 ta transport vositasi jarima maydonchasiga joylashtirildi. Bu haqda Samarqand viloyati IIB YHXB “Daryo”ga ma’lum qildi.

Qoidabuzarliklarning 55 tasida tegishli hujjatlarsiz transport vositasini boshqarish holati aniqlangan bo‘lsa, 284 ta holatda qo‘pol qoidabuzarlik qayd etilgan.

To‘qqizta holatda svetofor va chorrahadan o‘tish qoidasini buzish, beshta holatda avtomashinani davlat raqami belgisiz boshqarish, 43 ta holatda tusi o‘zgartirilgan (qoraytirilgan) oynalar o‘rnatish, 99 ta holatda odam tashish qoidasini buzish, 7 ta holatda telefondan foydalanish va 187 ta holatda boshqa qoidabuzarliklar aniqlangan.

Tadbir davomida Samaqand IIB YHXB, Transport boshqarmasi va Sanitariya-epidemiologiya osoyishtalik markazi xodimlari shahar ichki yo‘nalishlarida harakatlanuvchi jamoat transport vositalarini dezinfeksiya qilgan. Dezinfeksiya bilan bir qatorda aholiga tushuntirish ishlari olib borilgan.

Mavzuga doir: Samarqandda yirik YTH: 2 kishi halok bo‘ldi, 11 kishi jarohat oldi