Xitoyning murakkab epidemik vaziyat hukm surayotgan Uxan shahridan 84 nafar O‘zbekiston fuqarosini olib qaytgan samolyot Toshkent xalqaro aeroportiga kelib qo‘ndi. UzReport telekanali aeroportdan to‘g‘ridan to‘g‘ri reportajni efirga uzatdi.
Qayd etilishicha, samolyotdagi yo‘lovchilar tibbiyot xodimlari tomonidan tibbiy ko‘rikdan o‘tkazilgan, ularning ust-boshi hamda yuklarini to‘liq zararsizlantirilgan. Shundan so‘ng ularni maxsus tayyorlangan tibbiyot muassasasiga joylashtirish ko‘zda tutilgan.
Eslatib o‘tamiz, Xitoydagi O‘zbekiston fuqarolarini evakuatsiya qilish bo‘yicha dastlabki charter reys 4-fevral 17:20 da Pekin–Toshkent yo‘nalishi bo‘yicha 251 nafar O‘zbekiston fuqarosini olib kelgan edi. Ularda koronavirus aniqlanmagani aytildi.
Izoh (0)