Toshkent shahrida 24-yanvar kuni soat 12:10 atrofida yerosti silkinishlari sezildi. Yer silkinishi sezilgan paytda Prezident Shavkat Mirziyoyevning Oliy Majlisga Murojaatnomasi davomida propiska tizimini isloh qilish haqida gapirayotgan edi.
Yevropa—O‘rtayer dengizi seysmologiya stansiyasining dastlabki ma’lumotlariga ko‘ra, yer silkinishi Tojikiston hududida, Farg‘onadan 128 km uzoqlikda, sodir bo‘lgan. Zilzila epimarkazida uning kuchi 5,7 magnitudaga teng bo‘lgan, zilzila o‘chog‘i 10 km chuqurlikda joylashgan.
O‘zbekiston FVV Seysmoprognostik monitoring Respublika markazi axborotiga ko‘ra, zilzila Toshkentdan 317 km janubi-sharqiy yo‘nalishda Tojikiston hududida sodir bo‘lgan. Epimarkazda uning kuchi 5,5 magnitudaga teng bo‘lgan. Toshkent shahrida zilzila kuchi 2—3 ballga teng bo‘lgan bo‘lsa, Farg‘ona shahrida 4 ballni tashkil etdi. Namangan, Andijon, Guliston shaharlarida yerosti silkinishlari kuchi 3 ballga, Samarqand, Navoiy, Termiz va Qarshida 2 ballga teng bo‘ldi.
Izoh (0)