Axborot va ommaviy kommunikatsiyalar agentligida Sog‘liqni saqlash vazirligi mutasaddilari ishtirokida jurnalistlar uchun “Yurtimizdagi davolash muassasalarida kasalliklarni tashxislash va davolashda zamonaviy va innovatsion usullarni tatbiq etilishi” mavzusiga bag‘ishlangan matbuot anjumani bo‘lib o‘tdi, deb xabar beradi O‘zA.
Tadbirda vazirlik vakillari tizimda olib borilayotgan ishlar, kelgusidagi reja va vazifalar xususida, shuningdek, O‘zbekistonda tibbiyot turizmi holati bo‘yicha batafsil ma’lumot berdi.
“2019-yilning o‘zida 52 ming chet ellik fuqarolar respublikamizga kelib davolangan. Mablag‘ nuqtai nazaridan gapirsak, ularga deyarli 4,7 million dollarlik xizmatlar ko‘rsatilgan. Bu ko‘pmi yoki kam degan savol bo‘lishi tabiiy. Men o‘ylaymanki, albatta, bu kam yana ko‘paytirish imkoniyatimiz bor. Lekin bu mablag‘ni ko‘paytirish uchun shifoxonalarning moddiy-texnik bazasi, kadrlar salohiyatini oshirish kerak. Shundagina chet eldan bizga davolanish uchun fuqarolar keladi. O‘tgan yilga nisbatan solishtirsak, shu yilning o‘zida mamlakatimizda davolangan chet el fuqarolari soni deyarli 1,5 baravarga ko‘paygan. Bu yaxshi tendensiya. Asosan, onkologiya, kardiologiya, kardioxirurgiya, transplantatsiya, neyroxirurgiya, pediatriyaga kelishadi”, — deydi Sog‘liqni saqlash vazirining birinchi o‘rinbosari Bahodir Yusupaliyev.
Izoh (0)