Futbol bo‘yicha Angliya Premyer ligasining 14-turi doirasida 1-dekabr, yakshanba kuni 4 ta uchrashuv yakunlandi.

Foto: Reuters

Fredrik Yungberg qo‘l ostiga o‘tgan Londonning “Arsenal” klubi mehmonda “Norvich”ga qarshi maydonga tushdi.

Bellashuv davomida mezbon jamoa a’zolari Teyemu Pukki (21) va Todd Kentuell (45) Brend Leno qo‘riqlayotgan darvozani ishg‘ol qilgan bo‘lsa, “to‘pchilar”dan Pyer-Emerik Obameyang (29 — penalti, 57) dublga erishdi.

Natijada “Arsenal” safarda kechgan bahsda “Norvich” bilan 2:2 hisobida durang natija qayd etdi va tomonlar bir ochkodan bo‘lishib oldi.

Ma’lumot uchun, “Arsenal” 19 ochko jamg‘argan holda musobaqa jadvalida 8-o‘rinda bormoqda. “Norvich” esa 11 ochko bilan 19-o‘rinni egallab turibdi.

Shu kuni Ole-Gunnar Sulsher boshliq “Manchester Yunayted” esa “Old Trafford”da “Aston Villa”ni qabul qildi.

O‘yinning 11-daqiqasida mehmon jamoa yarim himoyachisi Jek Grilish hisobni ochgan bo‘lsa, 42-daqiqaga kelib “Aston Villa” darvozaboni Tom Xiton avtogol muallifiga aylandi (1:1). 64-daqiqada esa Viktor Lindelyof “qizil iblislar”ni hisobda oldinga olib chiqdi (2:1). Oradan 2 daqiqa o‘tib birmingen klubi himoyachisi Tayron Mingz hisobni tenglashtirdi (2:2).

Shu tariqa “Yunayted” o‘z maydonida “Aston Villa” bilan durang o‘ynadi va bir ochkoni qo‘lga kiritdi.

Ushbu turdan so‘ng “Manchester Yunayted” ochkolari sonini 18 taga yetkazdi va musobaqa jadvalida 9-o‘rinda bormoqda. “Aston Villa” esa  15 ochko bilan 15-o‘rindan joy oldi.

14-turdan so‘ng musobaqa jadvalidagi holat:

APL

14-tur bahslari

1-dekabr, yakshanba

“Norvich”—“Arsenal” 2:2

Gollar: 1:0 — 21 Pukki, 1:1 — 29, penalti Obameyang, 2:1 — 45 Kentuell, 2:2 — 57 Obameyang

“Vulverhempton”—“Sheffild Yunayted” 1:1

Gollar: 0:1 — 2 Musse, 1:1 — 64 Doerti

“Lester”—“Everton” 2:1

Gollar: 0:1 — 23 Risharlison, 1:1 — 68 Vardi, 2:1 — 90 Ixeanacho

“Manchester Yunayted”—“Aston Villa” 2:2

Gollar: 0:1 — 11 Grilish, 1:1 — 42, avtogol, Xiton 2:1 — 64 Lindelyof, 2:2 — 66 Mingz

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!