Futbol bo‘yicha Italiya A Seriyasining 11-turi doirasida 2-noyabr, shanba kuni 2 ta o‘yin yakunlandi.
Antonio Konte boshchiligidagi Milanning “Inter” jamoasi mehmonda “Bolonya”ga qarshi maydonga tushdi.
Uchrashuv davomida “Bolonya” yarim himoyachisi Roberto Soriano (59)ning urgan goliga “neradzurrilar” Romelu Lukaku (75, 90 — penalti)ning dubli bilan javob qaytardi.
Natijada milanliklar mehmonda kechgan bahsda “Bolonya” ustidan 2:1 hisobidagi irodali g‘alabaga erishdi.
Ma’lumot uchun, “Inter” 28 ochko to‘plab, musobaqa jadvalida 2-o‘rinni egallab turibdi. “Bolonya” esa 12 ochko jamg‘argan holda 12-o‘rinni band qilib turibdi.
Shu kuni Turinning ikki jamoasi “Yuventus” hamda “Torino” o‘zaro bahsga kirishdi.
Bellashuvdagi yagona golga “keksa sinyora” himoyachisi Matteys de Ligt 70-daqiqada mualliflik qildi va jamoasiga muhim 3 ochkoni taqdim etdi.
Qayd etish joiz, mazkur g‘alabadan so‘ng “Yuve” ochkolari sonini 29 taga yetkazdi va musobaqa jadvalidagi yetkachiligini saqlab qoldi. “Torino” esa 11 ochko bilan 13-o‘rinda bormoqda.
A Seriya
11-tur bahslari
2-noyabr, shanba“Bolonya”—“Inter” 1:2
Gollar: 1:0 — 59 Soriano, 1:1 — 75 Lukaku, 1:2 — 90, penalti Lukaku“Torino”—“Yuventus” 0:1
Gol: 0:1 — 70 de LigtYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
