Fransiyalik aktyor Jerar Depardye 1968-yilda sodir bo‘lgan “Praga bahori” voqealarida Leonid Brejnev rolini ijro etadi. Bu haqda film prodyuseri Andrey Antonio Lekaga tayanib, “Korrespondent.net” xabar berdi.
“Biz janob Depardye bilan shartnoma imzoladik. Sentabrda aktyor va uning jamoasi bilan Parijda uchrashamiz va filmni suratga olish ishlarining tafsilotlarini muhokama qilamiz. Aleksandr Dubchek rolini esa dunyoga mashhur aktyorlardan biri ijro etishi kerak, biroq hozirda u bilan muzokaralar davom etmoqda”, — deydi Leka.
Ishchi nomi “Inson yuzi” nomi bilan atalgan kartinaga xorvatiyalik Lordan Zafaravich rejissorlik qiladi. Film ssenariysini slovakiyalik Karol Glavka yozmoqda.
Suratga olish ishlariga Leca Production kinostudiyasi javob beradi, kartina budjeti 10 million yevrodan ortiq. Taxminlarga ko‘ra, film 2021-yilning oxirlariga, Dubchekning 100 yillik yubileyiga tayyor bo‘ladi.
“Praga bahori” haqida quyidagi maqola bilan batafsil tanishish mumkin.
Izoh (0)