Samarqand viloyati Narpay tumanida yashovchi 19 yoshli Sh.S. Nexia mashinasini Sirdaryo tumani “Ulug‘bek” MFY hududidan o‘tuvchi “Termiz-Toshkent” yo‘lida haydab ketayotib, Sirdaryo tumanida yashovchi 48 yoshli O.A. boshqaruvidagi Nexia bilan to‘qnashgan.
IIV Jamoatchilik va OAV bilan aloqalar boshqarmasi xabariga ko‘ra, hodisa 22-avgust kuni soat 16:15 larda sodir bo‘lgan.
Natijada Sh.S. boshqaruvidagi Nexia yo‘lovchisi 56 yoshli O.I. jarohat olib kasalxonaga yotqizilgan. Holat yuzasidan dastlabki tergovoldi harakatlari olib borilmoqda.