AQSh politsiyasi bir biridan alohida ravishda qotillik tayyorlagan 3 nafar gumonlanuvchini qo‘lga olib, mamlakatda ommaviy qotilliklar sodir bo‘lishining oldini oldi, deb xabar bermoqda CNN.
Meduza’ning yozishicha, Konnektikut shtatida Facebook’dagi sahifasida jamoat joyida otishma uyushtirishini ma’lum qilgan 22 yoshli Brendon Vegshol qo‘lga olingan. Uning uyi tintuv qilinganida bir necha turdagi qurollar topilgan.
Qo‘lga olinganlarning ikkinchisi floridalik 25 yoshli Tristan Skott bo‘lib, u o‘zining sobiq sevgilisiga kamida 100 nafar odamni o‘ldirishi haqida bir necha marta xabar yuborgan. Qiz bu haqda politsiyaga ma’lum qilgan. Skottdan ov quroli musodara qilingan.
Uchinchi gumonlanuvchi Ogayodan bo‘lgan 20 yoshli Jeyms Patrik Rirdon bo‘lib, u Yangstaun shahridagi yahudiylar markazida otishma sodir etish haqida tahdid qilgani uchun qo‘lga olingan. Tintiv qilinganda u qurol yashirib qo‘ygani aniqlangan.
Izoh (0)