2016-yilda Normandiyada uzunligi 1 kilometrga teng quyosh batareyalaridan iborat dunyodagi birinchi yo‘l yotqizilgan edi. Uch yil o‘tib, loyiha inqirozga yuz tutdi, deb yozadi National Geographic.
2800 kvadrat metr maydonni egallagan fotoelektrik panellar buzilib, sochilib keta boshlagan.
Yo‘l sutkasiga 767 kilovatt-soat quvvatga ega energiya ishlab chiqarishi ko‘zda tutilgan edi, ammo kutilgan hajmning yarmiga ham erishilmagan.
Yo‘lni qurish Fransiyaga 5 million yevroga tushgan edi. Besh yil davomida ming kilometr yo‘lni quyosh batareyalari bilan qoplash rejalashtirilgan edi.
Izoh (0)