6-iyul, shanba kuni futbol bo‘yicha Kopa Amerikaning 3-o‘rni uchun bo‘lib o‘tgan bahsda Messi yetakchiligidagi Argentina terma jamoasi Chili termasiga qarshi maydonga tushdi.

Foto: Reuters

Bellashuv davomida argentinalik hujumchilar Serxio Aguero (12) hamda Paulo Dibalaning (22) gollariga Chili yarim himoyachi Arturo Vidalning 59-daqiqada penaltidan urgan goli bilan javob qaytardi.

Shu tariqa Argentina termasi Chili ustidan kichik hisobda ustun kelib (2:1), musobaqaning bronza medaliga sazovor bo‘ldi.

Qayd etish joiz, o‘yinning 37-daqiqasida ikkala jamoa sardorlari Lionel Messi va Gari Medel hakam tomonidan qizil kartochka bilan jazolandi va maydonni muddatidan avval tark etdi.

Kopa Amerika—2019

3-o‘rin uchun bahs

Argentina— Chili 2:1

Gollar: 1:0 — 12 Aguero, 2:0 — 22 Dibala, 2:1 — 59, penalti, Vidal

Argentina: Armani, Foyt, Pesselya, Otamendi, Talyafiko, de Paul, Paredes, Lo Chelso (Funes Mori, 90), Messi, Dibala (Di Mariya, 67), Aguero (Suares, 81)

Chili: Aryas, Medel, Xara (Maripan, 50), Dias, Pulgar, Isla, Bosejur, Arangis (Kastilyo, 83), Vidal, Vargas, Sanches (Fernandes, 17).

Ogohlantirishlar: Bosejur (16), Vidal (26), Pulgar (45), Pesselya (57), Paredes (63), Foyt (79), Talyafiko (90).

Chetlatishlar: Medel (37), Messi (37).

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!