“Kalashnikov” konserni AK-12 avtomatining oddiy aholiga mo‘ljallangan variantini yaratdi. Bu haqda konsern bosh direktori Vladimir Dmitriyevga tayanib, “RIA Novosti” xabar berdi.
“AK-12 juda muvaffaqiyatli mahsulot bo‘lib chiqdi, hozirda Mudofaa vazirligi bilan uch yillik shartnomamiz bor, biroq biz mazkur qurolning oddiy insonlarga mo‘ljallangan versiyasini xohlovchi odamlar haqida ham o‘yladik. Shu sababli AK TR3’ni taqdim etamiz”, — deydi Dmitriyev “Armiya—2019” forumi doirasida.
Konsern eksperti Vladimir Onokoyning so‘zlariga ko‘ra, avtomatning ushbu versiyasida avtomat o‘t ochish rejimi mavjud emas.
