2019-yil 17-iyun kuni Oliy Majlis Qonunchilik palatasida “Hududiy sog‘liqni saqlash muassasalarida shifo o‘rinlari: muammo va yechim” mavzusida Fuqarolarning sog‘lig‘ini saqlash masalalari hamda Budjet va iqtisodiy islohotlar qo‘mitasining yig‘ilishi bo‘lib o‘tdi. Bu haqda “Qonunchilik muammolari instituti” Telegram kanalida ma’lum qilindi.
Yig‘ilishda:✅ birlamchi sanitariya tibbiyot muassasalarining aholiga yaqinlashtirilgani;✅ ya’ni qishloq vrachlik punktlari negizida oilaviy poliklinikalarning tashkil etilishi; ularda tor soha ✅ mutaxassislar faoliyatining hamda kunduzgi shifoxonalarning tashkillashtirilishi - statsionarga bo‘lgan yuklamani kamaytirgani ta’kidlandi.
Deputatlar tomonidan o‘tkazilayotgan o‘rganishlar va tahlillardan ma’lum bo‘layaptiki, tuman va shahar tibbiyot bo‘limlarining shifo o‘rinlari(koyka) soni aholi soni va kasallanish holati va boshqa tegishli faktorlar hisobga olinmasdan nomutanosib holda belgilanib faoliyat yuritib kelmoqda.
Tadbirda ushbu masalalar misollar orqali tahlil qilindi.
Xususan:
Namangan shahridagi birgina 300 ta koykasi mavjud shahar bolalar shifoxonasida 482 nafar bemorlar davolanmoqda.
Shuningdek, 240 ta koykasi mavjud Mingbuloq tuman markaziy shifoxonasida 320 nafar bemor davolanayotganligi kuzatilgan.
Bundan tashqari, 171 ming aholi mavjud bo‘lgan G‘allaorol tumani tibbiyot birlashmasining reanimatsiya bo‘limida ham, 46 ming aholi yashaydigan Zafarobod tumani reanimatsiya bo‘limida ham shifo o‘rinlari (koyka) soni 6 ta etib belgilangan bo‘lsa, vaholanki 106,0 ming nafar aholisi bor Xo‘jaobod tumanida 3 ta etib belgilangan.Amudaryo tumani aholisi 195 ming nafar bo‘lib, Shoshilinch tez tibbiy yordam bo‘limiga 40 ta koyka ajratilgan bo‘lsa, 481 ming aholisi bo‘lgan Urgut tumanida ShTYo shifo o‘rinlari (koyka) 30 tani tashkil etadi.
Tibbiyot sohasining ayrim yo‘nalishlari bo‘yicha koykalarni aniqlash Sog‘liqni saqlash vazirining buyrug‘i bilan tasdiqlangan vaqtinchalik nizom bilan amalga oshirilmoqda. Eng qizig‘i, bu nizomga ham to‘liq amal qilinmasdan kelinmoqda.
Jumladan, Shoshilinch tibbiy yordam va reanimatsiya bo‘limlaridagi koykalar soni Sog‘liqni saqlash vazirining 1999-yil 22-dekabrdagi 747-sonli buyrug‘i bilan tasdiqlangan vaqtinchalik nizom asosida belgilanishi lozim.
Vaqtinchalik nizomga ko‘ra hududlarga koykalarning belgilanishi aholi soni bog‘lab qo‘yilgan va aholi sonining o‘zgarishi bilan koykalarga o‘zgartirishlar kiritilmagan.
Tanqidiy tahlil, bahs-munozara ruhida kechgan yig‘ilishda ushbu masalalar Moliya va Sog‘liqni saqlash vazirliklari mutasaddilari hamda ekspertlar ishtirokida chuqur muhokama qilindi.
Yig‘ilish so‘nggida fikr-mulohazalar va takliflarni inobatga olgan holda hukumatga tegishli so‘rov kiritish to‘g‘risida qo‘mitalarning qo‘shma qarori qabul qilindi.
Izoh (0)