17-aprel, chorshanba kuni futbol bo‘yicha Yevropa Chempionlar Ligasi 1/4 finali javob o‘yinlari doirasida “Manchester Siti”—“Tottenhem” bahsi yakuniga yetdi.
Dramatik kechgan bahsda 7 ta gol urildi. “Siti” safida Rahim Sterling 4, 21-daqiqalarda dublga erishgan bo‘lsa, Bernardu Silva 11-daqiqada, Serxio Aguero esa 59-daqiqada o‘z nomini tabloga yozdirib qo‘yishga erishdi. “Shporlar” safida esa Son Hyon Min 7 hamda 10-daqiqada ikkita gol urib, dublni rasmiylashtirgan bo‘lsa, zaxiradan o‘yinga qo‘shilgan Fernando Lyorente 73-daqiqada jamoasini yarim finalga olib chiqqan golga mualliflik qildi.
Shu tariqa “Tottenhem” mehmonda urilgan gollar evaziga (umumiy hisob 4:4) “Siti”ni chorak finalda qoldirib, yarimf final yo‘llanmasiga ega chiqdi. Endi jamoa final yo‘llanmasi uchun “Ayaks” bilan bahs olib boradi.
YChL1/4 final bahslari17-aprel, chorshanba
“Manchester Siti” — “Tottenhem” 4:3
Gollar: 1:0 – 4 Sterling, 1:1 – 7 Son Hyon Min, 1:2 – 10 Son Hyon Min, 2:2 – 11 Bernardu Silva, 3:2 – 21 Sterling, 4:2 – 59 Aguero, 4:3 – 73 Lyorente.“Manchester Siti” – Ederson, Uoker, Kompani, Laport, Mendi (Sane, 84), Silva (Fernandinyo, 63), de Bryuyne, Gyundogan, Bernardu Silva, Aguero, Sterling.
“Tottenhem” – Lyoris, Tripper, Alderveyreld, Vertongen, Rouz (Sanches, 90), Vanyama, Sissoko (Lorente, 41), Alli, Eriksen, Son Hyon Min, Lukas Moura (Devis, 82).
Ogohlantirishlar: Sissoko (41), Son Hyon Min (48), Rouz (54), Vanyama (77).
Birinchi o‘yin – 0:1
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)