Kolumbiyadan Venesuelaga yuborilgan insonparvarlik yordami ortilgan yuk mashinasida qurollar bo‘lgan

Venesuela uchun Kolumbiyadan kelgan insonparvarlik yordami ortilgan yuk mashinasida qurol va barrikadalarni ishlab chiqarish uchun zaruriy vositalar mavjud bo‘lgan, deya xabar beradi

Venesuela tashqi ishlar vaziri Xorxe Arreasning ma’lum qilishicha, 23-fevral kuni yoqib yuborilgan yuk mashinasida “barrikadalar, to‘siqlar, simlar, mixlar bo‘lgan”. Vazir “agressiya” Kolumbiya tomonidan ekanligini qo‘shimcha qilgan.

23-fevral kuni Venesuela muxolifati Kolumbiyadan gumanitar yordam yuk avtomobilini mamlakatga o‘tishini ta’minlashga uringan. Natijada bir nechta avtomobil yoqib yuborilgan. Kolumbiya hukumati infratuzilmaga yetkazilgan zararni baholash uchun Venesuela bilan chegaralarni ikki kunga yopib qo‘ygan.

Venesuela prezidenti Nikolas Maduro chegara hududidagi to‘qnashuvlar fonida Bogota bilan diplomatik aloqalarni to‘xtatganini e’lon qilgan va Kolumbiya elchisi va diplomatlariga 24 soat ichida mamlakatni tark etishini buyurgan.